Tripura Congress in fakruk achanga an intum Tribal Welfare minister mawng dingin anin phut,

Tripura pradesh congress committee(TPCC) chun tribal welfare minister Bikas Debbarma chu fakruk  na inzawmna neia intumin, minister achangna  atanga inmawng dinga anphutna chu governor Indrasena Reddy Nallu hnianga nilaiṭum han anin thelut, Congresa party chun minister Debbarma chu fakruk  baka election commission of India (ECI) a effidavit telem inthelut achanga ringhlel chung chang hom chipchiar zawka insui dingin anin phut sa. Party Aiaw a Governor hnianga ngenna inthelut hei hi party president Asish  Kumar saha baka MLA gopal chandra roy TPCC  President hlui Pijush kanti Biswas, Adivasi congress chairman Sabda kumar Jamatia  MLA hlui Asok Debbarma nih Adivasi  congress Advisor Manmohan Reang hei anchang, Raj Bhavana ikalin governor anin phmu puia ngenna anin thelut achang congress MLA nih congress working committee (CWC)  member Sudip roy barman achun memorandum an ithelut ahin tribal hnam hei hma insawntirna dinga world bank in project sinna ding ₹vaibelsia 1400 apek hmang achang dan chu ringhlel a awm fe achang ati, Barma achun ma poisa  hei hi  tribal welfare department hnianga peloiin project sinna thawna enpu hin ahrangin pawl TRESP siam (inding) chawp achanga mahin poisa hmang dana  ngaithat loina asiam achang ati, State assembly nei zoi taka han Barman achun minister Debbarma hi athuneina dikloi kum ka chai sungin nansavaika invur a aloiin tum ta achang.

Tripura congress chun fakrukna a inzelna nei achanga an intum  Minister  Debbarma chu Cabinet minister achangna in mawnga MLA achangna hom hlip pek dingin anin phut

Sources: CHANCHINTHAR LAWRKHAWM

Z.P LIANA