Kerala a MPOX Invoi hri kai

 Kerala a MPOX Invoi hri kai Clade Ib strain achang ti hmusuak achang.

25.9.2024

Kerala a Mpox invoi an ihmu tak achu inkai insawng nih ṭaidar innep, world Organisation (WHO) in khawvel huapa public  health emergency anpuangna san, Clade Ib variant achang ti thawṭanni han hmusuak achang, Ma damloi  kum 38 ka ulian hi UAE hong kir achanga,hapta hmasa han Mpox anvoi ti hawi achang leiin goverment medical college hospital a isia thai achang,Damloi hi ading hmun athat a,chang homsiala chang homsiala damdoi ina enkawl sunzom mek ala  achang,official hei chun thawtanni han a hri kai Clade Ib variant achang ti hawi achang thu anti, India rama ma variant hri kai hmasak chem achang thu anti sa,stat thuneipu hei chun thil awmdan thavaikan an thlithlai zui thaia damloi reka inhnim hnai hei zawng zawng contact tracing annei thai thu anti,kerala health minister veena George chun rampawn aṭanga hong kir hei chu antaksa a syntoms alang achang chun health deparment a inhoitirin arang thei angka chema an inenkawl thai aṭul thu ati, District tina damloi enkawlna ding hi buatsai achanga, Airport homa thavaika enfiana sin hi thaw achang,Mpox invoi an ihmusuak hmasak zawk chu Delhi a achanga,kum 26 ka ulian Haryana Hisar a awm achang a, Ahri kai hi west  African  Clade 2 zawk achang, Delhi a Lok Nayak jai prakash Narayan Hospitala september  8 han isia achanga september  21 han damvaikan asuak nawkta achang,Union   Health Ministry chun state nih union territories hei hnianga thurawn apek thar nawk a Mpox hri kai achanga ringhlel hei chu an hnung insui screening, testing nih aṭul dang pawimaw  hei buaipui zung zung dingin angen, state tin hei chu damdoi ina natna hri kai achanga ringhlel  nih enfia tak hei inkhum hrangna ding siama District huamsunga health facility hei hom nansa zawka loiin puacha atul thu ati, August 14,2024 han WHO chun Demcratic  Republic of congo nih atual bawm ram heia nansafeka Mpox hri hi an dar leiin kum 2 ka sunga avoi inhnina dingin khawvel huapin public  emergency an puang achang.

Source: Z.P Liana, Chanchinthar Lawrkhawm