Andaman & Nicobar Island khawpui Port Blair Rihming thleng achang

16th September 2024. 

Sorkar laipui chun September 13 han Andaman & Nicobar Island khawpui, Port Blair chu "Sri Vijaya Puram" tiin a thleng.

Union home minister Amit Shah achun khawpui rihming thleng achangna san hi ahrilfia a, Ma thutlukna hi ram awp inden ei changna aṭanga hnam zalen ei changna nih entirna achang, a ti.

Amit Shah achun "PM Narendra Modi hmathlir inbawzuina ram awp inden ei chang hnungin ei zalen ti entirna dingin, Port Blair chu 'Sri Vijaya Puram' tia thleng kin rel ta achang," tiin X a ati. A rihming hmasak chun ane awp indenpu hei sulhnung a nei laiin, Sri Vijaya Puram ti rochu  zalenna sualna ṭanga hnena roiinpui tak ichang nawk, Ma kawnga A&N Islands in chanvo pawimaw tak a neina inlangtirpu achang, ati,

Port Blair rihming thar hi kum zabi 7 aṭanga 13-na ari a Southeast Asia-a maritime dynasty ramhruaitu roiinpui tak, Sri Vijaya Empire rihming chawia thleng achang.

"Ma island hi Chola Empire rilawng sipai hmunpui achang ṭhin a, Atun rochun  ram hmasawnna nih changinkangna dinga hmun pawimaw tak achang ta. Ma baka hin Netaji Subhash Chandra Bose-a'n hnam puanzar a loi zar phar hmasak chemna hmun achanga, ei ram zalenna sualpu laia mi Veer Savarkar nih midang hei Jaila an loi tang takna hmun achang, " tiin Shah chun ati zui sa.

Port Blair hi British colonial navy official, Captain Archibald Blair, Andaman nih Chagos Archipelago zirchiangpu rihmingchawia phua achanga .East India Company chun Blair hi kum 1788 han Andaman Sea hi endik dingin a tir a, kum 1789 a ma island hi atlung achang.

Sources: CHANCHINTHAR LAWRKHAWM,  Whatsapp Group

 Founder: Pu Z.P Liana Darlong, contact: 96123 17372